ಕಾರು ಡಿಕ್ಕಿ ಮೂವರ ಸಾವು

 

ಕೃಷಿ ಪ್ರಿಯ ನ್ಯೂಸ್ |

ಸಂಗಮೇಶ ಮುಶಿಗೇರಿ

ಕೊಪ್ಪಳ : ಕಂಟೈನರ್’ ಹಿಂಭಾಗಕ್ಕೆ ಸ್ವಿಪ್ಟ್ ಕಾರೊಂದು ಡಿಕ್ಕಿ ಹೊಡೆದ ಪರಿಣಾಮ ಮೂವರು ಸಾವನ್ನಪ್ಪಿದ ಘಟನೆ ಕೊಪ್ಪಳ ಜಿಲ್ಲೆಯ ಕುಷ್ಟಗಿ ಸಮೀಪದ ರಾಷ್ಟ್ರೀಯ ಚತುಷ್ಪಥ ಹೆದ್ದಾರಿ ವಣಗೇರೆ ಬಳಿ ಮಂಗಳವಾರ ಬೆಳ್ಳಂಬೆಳಗ್ಗೆ ಘಟನೆ ಸಂಭವಿಸಿದೆ..!

ಕುಷ್ಟಗಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ದುರ್ಘಟನೆ ನಡೆದಿದೆ. ವಿಜಯಪುರದ ಸ್ವಿಪ್ಟ್ ಕಾರು ಎನ್ನಲಾಗಿದ್ದು, ಅತಿವೇಗವಾಗಿ ಕಾರು ಚಲಾಯಿಸಿಕೊಂಡು ಬಂದಿದ್ದು, ಚಾಲಕನ ನಿಯಂತ್ರಣ ತಪ್ಪಿ ಕಂಟೈನರ್ ಹಿಂಭಾಗಕ್ಕೆ ಡಿಕ್ಕಿ ಹೊಡೆದಿದೆ. ಇದರ ಭೀಕರತೆಗೆ ಕಾರಲ್ಲಿದ್ದ ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಚಿಂತಾಜನಕ ಸ್ಥಿತಿಯಲ್ಲಿದ್ದ ಕಾರು ಚಾಲಕನನ್ನು ಆಸ್ಪತ್ರೆಗೆ ಸಾಗಿಸುವ ಮಾರ್ಗಮಧ್ಯೆ ಅಸುನೀಗಿದ್ದಾನೆ. 27 ವಯಸ್ಸಿನ ಕಾರು ಚಾಲಕ ಪ್ರವೀಣಕುಮಾರ ಚವ್ಹಾಣ, 43 ವಯಸ್ಸಿನ ಸುರೇಶ ಹಂಡೇವಜೀರ, 60 ವಯಸ್ಸಿನ ಗೌರಮ್ಮ ಗಂಡ ಹನುಮಗೌಡ ಹಂಡೇವಜೀರ ಎಂದು ಗುರುತಿಸಲಾಗಿದೆ. ಮೃತರು ವಿಜಯಪುರ ಜಿಲ್ಲೆಯ ಮುದ್ದೆಬಿಹಾಳದವರಾಗಿದ್ದಾರೆ. ಘಟನಾ ಸ್ಥಳಕ್ಕೆ ಪಿಎಸ್’ಐ ಮೌನೇಶ ರಾಠೋಡ ಭೇಟಿ ನೀಡಿ ಪರಿಶೀಲಿಸಿದರು..!!